Земјотрес #12

Овој документ содржи генерално инфо за настанот и вашиот настап.

Ве молиме за доверливост!

Не ги објавувајте овие информации пред самите организатори да го направат истото.

Не го споделувајте овој документ, освен со вашите band-mates.

Ви благодариме!

 

1. РАСПОРЕД НА НАСТАПИ:

 

 

 

2. BACKLINE:

 

3. ВАЖНИ ИНФОРМАЦИИ

(ЗАДОЛЖИТЕЛНО ПРОЧИТАЈТЕ)

3.1 НАРАКВИЦИ ЗА ВЛЕЗ И ИЗЛЕЗ

• Нараквиците за влез можат да се подигнат од билетарата ПОРТИРНИЦАТА на МКЦ на денот на настанот, најдоцна 2 часа пред вашиот настап, со лична карта од претставникот, претходно најавен кај еден од организаторите. Можно е дополнително да ве контактираме за контакт лице околу подигнувањето на нараквиците.

3.2 ПИЈАЧКИ

• Заедно со нараквиците ќе добиете бонови кои можете да ги замените за пиво и вода на еден од шанковите на МКЦ.

3.3 ВАШИОТ НАСТАП

• Ве молиме бидете во backstage еден час пред вашиот настап.

• Задолжително: секој тапанар си носи свои чинели и палици. Добош и кик педала по желба.

• Доколку не ви одговара некое појачало донесете си свое, но најавете му на вашиот тонец или стејџ менаџер со време.

• За жал, на фестивал со толку многу настапи не е физички ни психички возможно сите изведувачи да направат тонска проба.

• Тонски проба ќе направат само неколку изведувачи на двете главни бини, за што ќе бидете дополнително контактирани од организаторот. Сите останати ќе бидат во можност да направат line-check во 20-те односно 30 минути додека трае настапот на другата бина (сосема доволно, trust us).

• Ве замолуваме да започнете на време и да бидете точни до минута во однос на должината на вашиот настап. За жал нема простор за бис. Ве замолуваме да бидете солидарни кон останатите изведувачи.

• Ве замолуваме да бидете максимално експедитивни и солидарни по вашиот настап, ослободувајќи ја бината за следниот изведувач.

• За да не се прави гужва, ве замолуваме да ја тргнете опремата од стејџ и бекстејџ ВЕДНАШ по вашиот настап (гитари, екстра појачала и тн.), ослободувајќи простор за следниот изведувач. Истата е на ваша одговороност. Најдобро е да не оставате опрема цела вечер во бекстејџ.

3.4 ВИДЕО

• На главната бина (Денсинг сала) ќе има поставено видео бим. Доколку имате подготвено слика или видео loop за вашиот настап, испратете ги фајловите до sixtyninerecords@gmail.com не подоцна од 01.02.2023, 23:59ч. Сликата/видеото треба да е во 16:9, идеално 1920х1080px.

• На бината во холот на Фросина ќе има поставено видео бим. Доколку имате подготвено слика или видео loop за вашиот настап, испратете ги фајловите до sixtyninerecords@gmail.com не подоцна од 01.02.2023, 23:59ч. Сликата/видеото треба да е во 16:9, идеално 1920х1080px.

3.5 MERCHANDISE

• Апсолутно е дозволено и ве охрабруваме да продавате merchandise долу во холот каде ќе бидат поставени маси. Доколку имате екстра човек за продажба на merchandise ве молиме известете нé како би го планирале во пликото со вашите нараквици (личноста нема да има можност за пристап до бекстејџ!).

3.6 ИСПЛАТА НА ХОНОРАРИ

• Исплатата на хонорари во досегашните изданија на фестивалот се случувала од 2 до 3 недели (10 до 15 раб. дена) од одржувањето на фестивалот. Ова практично зависи од МКЦ, која – да не заборавиме – е државна институција и можно е да има delay.

3.7 “МОЖЕ ЛИ ГРАТИСИ?!” 🤪

• Со оглед на тоа дека се работи за настап на преку 20 артисти секоја година, немаме политика на давање гратиси, најпрвин бидејќи ако на секој артист/бенд се дадат по 5 влезници, тоа се преку 100 гратиси, а на крајот сте оштетени самите вие бидејќи Земјотрес е фестивал чиј единствен income се влезниците – немаме спонзори, ниту ќе имаме. Исто така, се трудиме влезницата да ја држиме што е можно по ниско така што ве замолуваме и благодариме за вашето разбирање.

Овој документ ќе биде поставен оnline и можно е да дојде до извесна промена. Ве молиме не го симнувајте локално овој документ, следете го на линкот кој ви е испратен.

Ви благодариме за соработката!
Земјoтрес crew

#zemjotresfest #zemjotres
Instagram
Facebook
X
#zemjotresfest #zemjotres